== ABOUT 标志 ==
人生其实有好多标志，值得留念，值得回忆
可惜之前既我
都无将距地写落黎
憾事
为左等我老果时可以确实甘知道
一路走黎做过d咩紧要野，发生过咩重要事
我决定
由而家开始记低每一个
标志
============
今日，2007年10月27日，我去左上海财经大学广州报名点，正式报名就读MBA。
有人会问，读个研究生咋嘛，有咩甘大不了？
其实，熟知我既人都知道，我几憎读书，系大学里面基本无点读书——但系，我绝对肯定我唔系一个废柴——我只不过唔中意系书本度、系课堂度学习知识，我中意实践，中意系众多工作经历、活动经历里面去摄取自己需要既养分——自问做得唔差，亦都唔觉得果d考试科科90几比我呢个岩岩合格既人叻得几多——啊，偏题添……我想讲既系，要我违反我自己大学毕业时既诺言“我唔会再读书啦”，而去再次读书，再次变翻学生，绝对系一个标志！系一样好鬼出奇既事，系相当值得一书既事，系我几个fri知道左即刻问我系米个脑烧坏左既事~~
我无烧坏个脑，好清醒。正因为清醒，先至发觉，而家呢个企业、呢个社会，无翻一张高级d既文凭，好难升，好难有得发围。我唔想亦都唔识得讲到太深奥同埋太哲理，就系觉得系时候进修下充下电啦，如果唔系，就真系混吉甘混落去嘎啦——当然，即使我2年半后顺利拿到研究生学历加硕士学位，亦都唔代表我即刻可以高升即刻一帆风顺，但系点都好过平过草纸既本科文凭挂，right？ So，我做野2年黎既大部分积蓄2万蚊就拿左黎交学费首期，剩低既5万5，就梗系要多得我可爱可敬既爸爸妈妈啦，距地供我读完大学，仲要供我读埋研，真系唔话得，系呢度，我真系要大声讲一句：“好多谢你地啊，我爱你地，亲爱既爸爸妈妈！！”
我读得书少
你唔好呃我
工具 
