温暖既阳光晒入天窗，清晨既气息振奋人心……

“Cut！喂，道具哥哥，玩野啊，拍紧恐怖野啊，你整d甘既灯光做咩啊！！拿拿临关左个窗，整翻d咩闪电啊、鬼火出黎啦，顶！”导演发晒盟争……

 室内黑妈妈，伸手不见五指，头顶残破既风扇吱吱甘响，偶尔，后边果盏烂灯无啦啦又闪一下，系地上照出一道长长既人影……

“Cut！喂，点解地上边有两个人影噶？收音果位大哥啊，比下面，唔好入镜好唔好啊！！？？”

……

我震下震下甘行，惊噶嘛，心谂，呢d烂鬼道具容乜易跌落黎砸亲我噶？……终于摸到去厕所块镜前面啦，顶，导演又唔比开灯，搞到中间撞左几锅……按照剧本，呢个时候我要开着我个差唔多无电既电筒，慢慢甘慢慢甘照向我块面……我块面啊！！吓死我啦！！哇啊哇啊啊~啊啊啊~~我好落力学晒Vitas甘鬼叫，真系扮惊扮到我自己都吓一跳啊……不过话时话，个化妆师又几得喔，真系搞到我块面一粒二粒又红又肿，仲要流晒脓甘，咦~好核突啊~~……我叫完一轮，再发晒颠甘乱揸乱摸，撕心裂肺，dum晒台掟晒野，跟住顺势跪低埋，露出极度恐慌极度不可置信既表情……

突然，全场光晒，一件茄哩啡跳左出黎，揸住包野大叫：“中左Water Bean病毒？无有怕，饮天河牌板蓝根冲剂啦！清热排毒一级棒噶呢！”

“Cut！Good take！好，收工！”导演终于有翻d笑容，行过黎同我讲：“啊，聪少，你系得既，果然够pro，将一个感染左WB病毒既人演得出神入化，入木三分！下次有d咩丧尸啊、死神啊实温翻你！”

“啊，导演你客咩气，有d咩要帮手，即管开声！”我拍晒心口甘，心谂“你比钱我米黎咯，讲甘多做咩啊~”

“喂喂，阿边个边个呢？我要温翻距落妆啊！”我周围叫。

“唔好意思啊聪爷，我黎迟左，岩岩大塞车啊，有无阻到大家拍野啊？？？”突然一条友冲左入黎，喘晒大气甘叫。望真d，咦，呢个米我个化妆师阿边个边个？

“下？你岩岩先到？甘岩岩边个同我化妆噶？！”我摸住自己块面，一阵凉意由脚板底沿住督任二脉劲标上黎……

啊啊啊，唔通我真系中左WB病毒？？！！！

一捏就痛，唔系发梦