Mr.马话比我哋知，睇野唔好净系睇表面，要睇本质：

      比如吃饭，唔通就系简单嘅咀嚼运动？不只！先唔讲距维持生命嘅生理功能；亦唔讲距显出品味嘅艺术气质；单单讲吃饭嘅社交功能，就足以见证距嘅重要。前排有个特别日子我请班朋友吃饭，大家席间高谈阔论觥筹交错欢声笑语乐也融融，呈现出社会主义现代化建设中嘅一片和谐景象。既填饱个肚，又促进左相互了解、增进左彼此友谊，吃饭果然紧要！

      比如玩大富翁，唔通就系简单嘅桌面棋类运动？不只！大富翁不只在游戏间获得众多欢乐，更可能造就一批成功嘅企业人才！前排有个特别日子我同班朋友玩大富翁，系掷骰子、买地、买屋、抵押房产之中，自自然就锻炼左数学思维、经济头脑以及耐力同毅力，简直系居家旅行升职加薪创业发达嘅必备运动啊！

      比如唱K，唔通就系简单嘅丹田发声（呃……其实丹田发声都几难）运动？ 不只！唱K除左凭歌寄意lum女界仔之外，仲系进军娱乐圈成为大明星嘅一条捷径！君不见著名组合双生儿当年就系唱K当中比人发掘，继而成为上一站天后，继而成为著名摄影师陈观西先生亲自操刀嘅写真集主角，可谓扶摇直上轰动华人。前排有个特别日子我同班朋友唱K，正是为左成为super star而放声歌唱，加油啊大家！

      比如打麻雀，唔通就系简单嘅围城运动？不只！麻雀之所以系国粹，不只因为距系由国人发明，体现出国人智慧同埋千百年来嘅建筑风格，亦都因为距可以锻炼手指、眼睛、脑筋同埋喉咙，兼且丰富课余生活满足精神需要，有效防止青中老年人衰退老化，可谓集大成之运动！前排有个特别日子我同班朋友打麻雀，打完之后，嘿，这腰不疼了，腿不酸了，连记忆也好多了……

      又比如睇演唱会，唔通就系简单嘅追星运动？不只！重要嘅系感受现场炽热嘅气氛，更重要嘅系撕心裂肺甘跟住大唱大跳大叫，将满腹牢骚漫天怨气唱晒出黎，将身体多余嘅脂肪跳晒出黎，将灵魂深处渴望自由嘅天性叫晒出黎！前排有个特别日子我已经买左飞同班朋友去睇Avril演唱会，一路睇呢场梦寐以求嘅concert我就一路叫，手舞足蹈手足无措声嘶力竭声如洪钟如堕仙境如痴如醉，成个人厚积薄发焕然一新，一个字，好爽！

      写左咁多野，唔通就系整篇流水账忽悠下大家？不只！其实前排果个特别日子就系我18+8岁生日，你知啦，人老啦，唔写低呢d文字，唔记低班朋友点样同我庆祝、我点样奖励自己、点样度过果排甘开心嘅日子，好易唔记得嘎嘛，呵呵，谨以此文纪念。更重要嘅系，衷心多谢你哋~~

Thank you,

my dear friends!