最后一次行华农，最后一次逛广工……
      系华农，我已经唔可以再同班亲爱既同学行系路度，享受师兄既称呼；系广工，我亦都无办法再同最爱既文周围逛，享受羡慕既目光……

      我离开左华农，目的地系天河城，唔觉意甘坐多左两个站，甘米顺便逛下广工咯。广工好似无以前甘多人咯波，少左好多人望过黎；嗯，两个月无黎，建筑物都无乜变；随便甘行，无拉拉就行左入女生宿舍楼下；咦，望下个天好似有雨播，甘横店抬高左头，米望埋过去距间宿舍咯；果然无人，米行过后门睇睇咯；啊，好似距唔记得收衫播，行翻去前面睇多次先；哦，收左，好啦，走啦；啊，呢期治安唔好啊，都系翻去睇下有无人偷偷入女生宿舍先；望左一阵，无事发生，嗯，距甘大个人，识得照顾自己嘎啦；过左马路入教学区，内急添，无理由唔去我地成日一齐温书既图书馆噶，个厕所好靓噶；方便完，去睇下篮球场有无人打波先，以前距好中意系场边睇我打噶；落雨果然无人打，隔离就系我地成日坐住漫谈既足球场播，睇下有无人跑步先；都系无，出翻黎见到教学楼前既空地，咦，大左甘多既？上次距系度影毕业相果时无甘大果播；唔理啦，翻去天河城啦；米住，岩岩距楼下个广告几得意播，翻翻去再睇睇先；贴住广告块墙甘邋遢噶？以前我送距翻黎系度告别果时都唔觉；好啦，再唔走就比人闹嘎啦；系啊，呢期成日落雨，距无带伞米弊？岩岩拿出小灵通，都系唔好啦，万一距训紧觉米会吵醒距？走啦走啦，一步一回头好淤噶，费事人地以为我颈有问题啦，两步先回头望一次啦；车到啦，习惯性甘揾距goodbye kiss，哦，唔系度播，算啦，无所谓，一d都无所谓，真嘎，无所谓呢，你信我啦，边有所谓姐，我都话无咯……

      好多谢毛毛同雅子呢两日陪我吃饭同睇戏，如果无左你地，我谂我会200％甘伤心，而家，好彩，都系100％伤心姐……

        总差一点点先可以再会面，悔不当初轻轻放过，现在惩罚我，分手分错了么。分开61天，天天盼再会面，只怕使你先找到我，但直行直过，天都帮你去躲，躲开不见我……