有关注我Blog既XDJM都知道，上年呢个时候，我都写左篇《24 Years》——嗯，果篇野我乱up左一轮——好快又一年，呵呵，又系时候再次抛出“垃圾文”啦，哇咔咔~~
睇个标题就知，唉，又老左一岁啦！有个Friend讲得好得我惊：“按四舍五入计，都已经系奔三嘎啦喔！”靠，恐怖左d挂！不过又系，都半大唔细啦，都系混唔出个咩样——讲紧当然系工作同感情啦：
工作咯波，我简直系超人啦，一个人做四个人既野，真系连我自己都惊啊！公司唔知发咩傻，无啦啦“辞退”左个同事，哦yeah，上头就炒得爽咯，难为我要临时接晒同事d野跟——TMD，好彩系临时姐，如果唔系，唔该炒埋我！祸不单行，有同事出差成个星期，自不然有“一定量”既野要交代我跟啦！再加埋之前我已经额外跟埋一个去左生仔既同事d野，甘当然仲有自己本份既“Endless tasks”，好啦，1+1+1+1=4，so easy！呢期我听得最多就系呢句“能者多劳啊”，算罢啦，事到如今，我唯有承认我“不能”啦，呵呵，最实际都系“多劳多得”啊嘛——发梦既时候应该有！
感情咯波，仲简单，empty window lonely night，讲完。
应该要转翻入正题啦：讲下今年生日先！今年生日，嗯，好开心，真噶，生日果两个星期左右，有几样也都几印象深刻：
首先系我个异地好友Sammi，距果排有d好唔开心既事情，同我倾诉左好耐，后尾距讲到，原黎今年好特别，距个新历生日同我个旧历生日系同一日，距话要同我一齐庆祝！虽然我蒙查查，完全唔知我旧历生日系几号，但系就梗系死话“系啊系啊，好岩啊”，呵呵，大靓女出到声，la埋都say yes嘎啦，哇咔咔。更好既系，距肯过黎GZ一齐庆祝，甘我就梗系要“小小”甘准备下啦——话时话，我真系好耐都未试过甘精心用心全心专心真心（传说中既“五心服务”）去准备啦，于是，系Sammi姐大驾光临既果日，我地度过左一个几别开生面面俱到处充满欢乐也融融既生日会，呵呵，希望你中意我既安排啦，好鬼中意你送既礼物啊，我而家日日用紧，正！亦都希望我果份托“火星友人”带翻黎既礼物你会中意啦，呵呵！
跟住当然系重头戏——同阿老、雅子、肥阳、Wing你地既聚会啦！好开心，我地呢班人好耐无聚过一齐啦，真系好兴奋同激动，死党姐系死党，聚埋一齐既感觉真系“宁舍不同”！我地吃饭吹水玩UNO，虽然简简单单，但系真系好开心！好中意你地啊（作矫情温馨撒娇状）！肥阳、Wing你地份礼物好岩我心水啊，我就系缺样野戴住，而家都系日日戴住你地串野，当然啦，黑曜石既辟邪功能可能暂时无甘需要住，记得帮我留意下有无桃花运既饰物啊，呵呵！雅子你个“钟”又真系几应景喔，呵呵，好得意同实用，而家都摆系床头日日望住！阿老，你果然系我个好妹，好感动好中意你送既呢副“超”啊，可惜暂时都未启用，唔怕，好快去上海出差就有得show嘎啦，等我戴住距去见阿宝先，羡慕死距，哇咔咔！！附带多句，同阿老去拣“超”果日，我地睇左史瑞克3，真系好正好搞笑啊，唔明d人点解睇唔明，唉，睇黎我地呢d文化人系曲高和寡嘎啦，呵呵~~
跟住到我生日正日果日，我既情绪简直系起伏不平波折荡漾啊！早上波澜不惊，暂且不表。中午我好波澜壮阔甘，请左成班同事去大涮一顿，虽然大家都唔系甘饱，但系你地甘比面，我都好开心噶~~跟住未消化就直接过去天体参加我地集团个游泳比赛——顶，点会安排系我生日呢日噶——好彩我都之前练习翻一段时间，而且游水又确实系我拿手项目，于是系呢个碧波荡漾既泳池度过左一个下午，最尾略显遗憾甘静系拿到一个50蛙既季军，唔得，我下年一定唔好抽筋，一定要拿埋自由泳同接力既名次，呵呵！好啦，故事到左呢度都系一切顺利，但系话明系故事，梗系会波折横生嘎啦——本黎plan好我成班同事晚黑放工一齐去唱K帮我庆祝噶嘛，点知半路杀出个工商所，突然领导通知话工商一行十几人浩浩荡荡杀过黎，应我地领导邀请一齐吃个便饭，大家沟通沟通。唉，大家都明，呢d交际应酬系必不可少，但系偏偏就拣中呢日，而且仲好鬼突然，而且距地真系老实不客气，一次过成个科室过晒黎，搞到我地领导即刻落行政命令，要我地成个部门全体出席应酬！屌叼diao！请原谅我连用三个粗字，但系都不足以平复我既激愤既心情！无计啦，出得黎捞，领导命令唔通唔听咩，于是虚与委蛇甘吃左成世仔吃得最唔开心既一餐“生日饭”……吃完已经唔够时间再组织翻大家去唱K，好彩，阿丹、阿菁、雯韵、闻婧（可能仲漏左，唔好见怪，呵呵）你地都好有我心，都准备定一个好靓既蛋糕，系办公室度帮我庆祝翻，而且都有翻彭总、高总呢d甘重量级既嘉宾一齐帮我庆祝，于是，我终于都可以系一波波生日歌同掌声中完成埋吹蜡烛、许愿呢d甘重要既动作，呵呵！系呢度，要special thanks to我既“经纪人”，好多谢你开头帮我组织，亦都后尾陪我去唱翻，多谢晒，呵呵！
当然仲有一大班好友表达左距地既心意，老规矩，以下感谢名单排名不分先后，而且可能我继续年老色衰，会有遗漏，请多多包涵，如有出入，请尽快通知本人进行修改，哇咔咔！感谢各位：嘉荧、Nicole、阿淼、Rachel、华农04级师妹、Momo、君仪、阿筠、思原、阿璐、阿珊……系呢度，我要special 闹人 to Little！你个衰人啊，居然唔记得我生日！！唔好以为远在澳洲我就唔会嬲你啊，你记得补偿翻我受创既心灵啊！哼……
好咯，都总算埋尾咯，up左成篇废话，突然觉得，原黎写埋d甘流畅甘直抒胸臆既流水账，可以不负责任甘用文字发泄晒，真系好爽噶喔，呵呵！最尾，我想用一首歌黎表达我个生日愿望（请注意，呢首歌系将来时，唔系完成时，请勿搞错，而且唔好话我知你唔识唱）：
找呀找呀找女友，找到一个好女友……
敬个礼呀握握手，你是我的女朋友，oh yeah！
Tools 
